Управление по образованию Минского районного
исполнительного комитета
Государственное учреждение образования
«Колодищанская средняя школа №2»
«Эффективные приёмы и методы работы с высокомотивированными
учащимися в условиях пандемии»
(в рамках семинара-практикума для учителей белорусского и русского языка и литературы «Организация проектно-исследовательской деятельности учащихся в современной информационно-образовательной среды»)
Подготовили:
Ракова Анастасия Николаевна,
учитель белорусского языка и литературы,
высшей квалификационной категории;
Шкатуло Полина Владимировна,
учитель белорусского языка и литературы, второй квалификационной категории
2022
“QR-код: інструментарый работы на
вучэбных і факультатыўных занятках
беларускай мовы і беларускай літаратуры”
Актуальнасць выкарыстання інфармацыйна-камунікацыйных тэхналогій у сучасным адукацыйным працэсе цяжка перавялічыць. ІКТ развівае цікавасць да навучання, выхоўвае самастойнасць, развівае інтэлектуальную дзейнасць, дазваляе развівацца ў духу сучаснасці, дае магчымасць якасна абнавіць адукацыйны працэс ва ўстанове адукацыі і павысіць яго эфектыўнасць.
Адной з новых тэхналогій з'яўляецца тэхналогія QR-кодаў. QR-коды на занятках становяцца выдатнай альтэрнатывай традыцыйным прыёмам і наглядна дэманструюць, што самыя простыя тэмы могуць быць займальныя і цікавыя. Выкарыстанне QR-кодаў стварае спрыяльнае асяроддзе для невялікага даследавання, а нестандартная сітуацыя дапамагае лепш замацаваць пройдзены матэрыял.
QR-код – гэта новы від мабільнага сэрвісу. Хуткасць счытвання і беспамылковасць атрымання інфармацыі – вельмі прывабныя факты, якія могуць зацікавіць сучасных школьнікаў. У адукацыі QR-кадаванне можа стаць інструментам для стварэння гульняў, галаваломак, квэстаў, кадавання рознай адукацыйнай інфармацыі. У працэсе навучання дзеці выкарыстоўваюць ўласныя мабільныя прылады. Пры наяўнасці інтэрнэту заўсёды даступны анлайнавыя тэсты. Магчымасць прама на ўроку выконваць заданні для актуалізацыі або замацавання матэрыялу. Сумесная праца не толькі дае магчымасць карыстацца асабістай прыладай, але і аб'ядноўвае вучняў.
QR-код – гэта памочнік настаўніку ў рабоце з адоранымі і выокаматываванымі дзецьмі ва ўмовах пандэміі.
Для стварэння QR-кода неабходна выканаць наступныя дзеянні:
1.Прайдзіце на сайт http://www.qrcoder.ru.
- Увядзіце слова, лічбу або тэкст, які вы б хацелі зашыфраваць, у спецыяльнае акенца:
- Націсніце на кнопку «Стварыць код (ctrl + enter)".
- З правага боку экрана з'явіцца ваш QR-код:
- Захавайце QR-код у якасці малюнка.
- 6. Калі навесьці на дадзены QR-код смартфон або планшэт з усталяванай праграмай счытвання кодаў, то вы зможаце прачытаць зашыфраваны тэкст.
- Праграму, якая счытвае QR-коды можна спампаваць праз Play-market (Android).
Настаўнік загадзя рыхтуе заданні або інфармацыю, якую з дапамогай анлайн-генератара "ператварае" ў QR-код.
* QR-коды можна выкарыстоўваць на розных этапах урока, а таксама ў пазаўрочнай дзейнасці.
* Задаць алгарытмы працы, пакрокавую інструкцыю.
* Пры вывучэнні новай тэмы можна прымацаваць QR-коды на стыкеры ў падручніку і пашырыць прастору параграфа, які вывучаецца.
* QR-коды можна наляпляць на кнігі з выхадам на інфармацыю пра аўтара або на іншыя крыніцы, звязаныя з тэкстам кнігі.
Закадаваць можна любую інфармацыю, прадстаўленую ў розных фарматах.
* спасылку на дадатковую тэкставую інфармацыю па тэме;
* спасылку на відэа фрагмент;
* расшыфроўку адказу на пытанне;
* спасылку на аўдыёзапіс;
* спасылку на анлайн-віктарыну;
* спасылку на інтэрактыўнае заданне;
* спасылку на сумесную прэзентацыю або анлайн-дошку.
Разгледзім магчымасці выкарыстання сістэмы QR-кодаў у адукацыйным працэсе ў якасці сродку павышэння матывацыі навучэнцаў :
- У QR-кодах можна змяшчаць спасылкі на мультымедыйныя крыніцы і рэсурсы, каб вырашыць канкрэтную навучальную задачу. Раздрукаваныя коды можна ўклейваць у рабочыя сшыткі навучэнцаў. Напрыклад, пры вывучэнні твора А. Вярцінскага “Рэквіем па кожным чацвёртым” у змест кодаў можна ўключыць спасылкі пра Вялікую Айчынную вайну, пра герояў-піянераў, а таксама рэпрадукцыі карцін з альбома М. Савіцкага “Лічбы на сэрцы”, спасылку на паняцце “рэквіем”.
- Размясціць выявы QR-кодаў на інфармацыйнай дошцы ці асабіста ў кожнага вучня на парце, у якіх будуць прадстаўлены асноўныя моманты аналізу твора. Так, пры вывучэнні твора Янкі Маўра “Палескія рабінзоны” ў QR-коды можна змясціць малюнкі раслін і жывёл, якія сустракаюцца ў творы, і падчас выбарачнага пераказу адпаведных эпізодаў сканіраваць коды.
Таксама QR-коды можна размяшчаць на інфармацыйных стэндах навучальных кабінетаў у якасці відэа- або мультымедыйнага каментарыя да навучальнага матэрыялу. Гэта дазволіць значна ўзбагаціць інфармацыйнае насычэнне стэндаў кабінетаў.
- Кантрольна-тэставы матэрыял для заняткаў, выкананы ў выглядзе картак з рознымі варыянтамі заданняў, можа быць прадстаўлены ў форме QR-кодаў. Для гэтых мэт існуе спецыяльны сеткавы сэрвіс ClassTools.net (ён даступны па спасылцы: http://www.classtools.net/QR).
- Адным са спосабаў індывідуалізацыі навучання могуць стаць дамашнія заданні, зашыфраваныя ў QR-коды, што паменшыць верагоднасць спісвання і падвысіць зацікаўленасць вучняў.
- Прыцягнуць увагу навучэнцаў можна пры дапамозе розных гульняў, мерапрыемстваў, у тым ліку пазакласных, калі на адным з этапаў заданне будзе прапанавана ў выглядзе QR-кода, прачытаўшы які можна будзе выканаць заданне. Напрыклад, пры арганізацыі Міжнароднага дня роднай мовы можна ў QR-коды змясціць цікавыя звесткі, гістарычныя даведкі пра беларускую мову, арганізаваць гульнёвую сітуацыю “Назаві мяне па-беларуску”, дзе школьнікі прасканіруюць праз свае мабільныя прылады коды, у якіх будзе змешчаны малюнак з прадметамі або з’явамі рэчаіснасці, пасля чаго яны павінны правільна назваць іх па-беларуску; ці гульнёвую сітуацыю “Чые гэта словы?”, на выявах QR-кодаў будуць змешчны афарызмы беларускіх пісьменнікаў пра беларускую мову, задача вучняў правільна назваць аўтара. Усе гэтыя коды можна размясціць як у фае школы, так і па ўсёй школе.
- QR-коды можна размяшчаць на папяровых і электронных візітоўках, бэйджыках удзельнікаў розных мерапрыемстваў.
- Кніга падключэнняў. Выкарыстанне QR-кодаў на вокладках кніг, каб забяспечыць доступ да анатацыі на кнігу, да матэрыялу пра аўтара або дадатковую інфармацыю пра кнігу. Для гэтага можна выкарыстоўваць каляровае кадзіраванне. Напрыклад, сіні QR-код можа быць выкарыстаны для спасылкі, каб знайсці падобныя па тэме кнігі на вэб-старонках сайтаў, блогаў або для пошукаў па каталогу. У сучасным свеце мабільныя тэлефоны спажываюць практычна ўсе (навучэнцы, настаўнікі, бацькі), што дазваляе шырока выкарыстоўваць магчымасці гэтых тэхналогій у практычнай дзейнасці. Паколькі QR-коды не былі ліцэнзаваны, кожны чалавек можа не толькі выкарыстаць іх, але і ствараць бясплатна. Для стварэння QR-кодаў існуе мноства сэрвісаў і праграм. Пры гэтым у большасці з іх ёсць магчымасць захаваць выявы кода ў розных графічных фарматах (напрыклад, jpeg, png, tiff), раздрукаваць іх, непасрэдна ўжыць гэты код ў раздрукаваным дакуменце, адправіць па электроннай пошце, выкарыстаць у сетцы Інтэрнэт.
Такім чынам, QR-коды з'яўляюцца сучасным інфармацыйным сродкам у адукацыйным працэсе, які дапамагае дасягнуць наступных мэт:
- узмацніць матывацыю навучэнцаў да самастойнай вучэбна-пазнавальнай дзейнасці;
- арганізаваць работу з высокаматываванымі вучнямі дыстанцыйна;
- укараніць у навучальны працэс дадатковыя (электронныя) метадычныя адукацыйныя рэсурсы;
- выкарыстаць у новых відах навучальных пошукава-пазнавальных заданняў абагульняючай і сістэматызаванай накіраванасці, актывізаваць вучэбную дзейнасць школьнікаў.
Прыкладные заданне:
